Рэктар універсітэта, прафесар Дзяніс Уладзіміравіч Дук павіншаваў Васіля Віктаравіча Васіленку і Пятра Аляксандравіча Канцавога з прысуджэннем ім вучонай ступені кандыдата гістарычных навук. Дзяніс Дук выказаў надзею на тое, што ў хуткім часе навукоўцы працягнуць свае даследаванні і выйдуць на абарону доктарскіх дысертацый. «Трэба ставіць перад сабой амбіцыйныя планы і не баяцца перашкод», — зазначыў рэктар. Таксама калег павіншавалі прарэктары ўніверсітэта Дзмітрый Сяргеевіч Лаўрыновіч, Алег Віктаравіч Дзячэнка і Уладзімір Віктаравіч Ясеў.
