Аддзел выхаваўчай работы з моладдзю

Паштовы адрас:
вул. Касманаўтаў, 1, каб. 300а; 212022, г. Магілёў,
Рэспубліка Беларусь
Тэлефон:  (+375 222) 28-42-05
Е-mail:  Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.
 
Начальнік:
Набокава Людміла Васільеўна
 

Намеснік начальніка:
Растаргуева Наталля Анатольеўна 

Аддзел выхаваўчай работы з моладдзю Магілёўскага дзяржаўнага ўніверсітэта імя А. А. Куляшова распрацоўвае і вызначае асноўныя напрамкі і формы пазавучэбнай работы, сумесна з іншымі структурнымі падраздзяленнямі ўніверсітэта рэалізуе дзяржаўную палітыку ў галіне ідэалогіі, выхавання і сацыяльнай абароны студэнтаў. Каардынуе дзейнасць усіх асоб і структурных падраздзяленняў універсітэта, якія маюць дачыненне да ідэалагічнага, выхаваўчага працэсу. Удзельнічае ў арганізацыйна-метадычным кіраўніцтве ідэйна-выхаваўчай работай на факультэтах, у інтэрнатах і вучэбных групах.

Дзейнасць аддзела накіравана на забеспячэнне асобаснага, інтэлектуальнага, культурнага і прафесійнага росту студэнтаў, іх сацыяльнага станаўлення, на стварэнне аптымальных умоў для развіцця ў іх творчасці, ініцыятывы, самакіравання, фарміравання здаровага ладу жыцця з улікам іх інтарэсаў і патрэбаў.

Аддзел распрацоўвае і ажыццяўляе ў межах сваёй кампетэнцыі кіраўніцтва асноўнымі напрамкамі ідэалагічнай і выхаваўчай дзейнасці з улікам рэгіянальных асаблівасцей, традыцый і спецыфікі ўніверсітэта, магчымасцей прафесарска-выкладчыцкага калектыву, прыцягваючы для гэтага калектывы кафедраў, юрыстаў, медыцынскіх і спартыўных работнікаў і іншых спецыялістаў, грамадскія самадзейныя аб'яднанні і фарміраванні студэнтаў.

У структуры аддзела функцыянуюць сектар культурна-дасугавай працы са студэнтамі і сацыяльна-педагагічная і псіхалагічная служба. Ва ўніверсітэце і пяці інтэрнатах працуюць гурткі, секцыі, клубы, творчыя аб'яднанні.