Новинки изданий

УДК 903.5(476.4)

Марзалюк, І. А. Археалагічнае вывучэнне курганнага могільніка Усход : манаграфія / І. А. Марзалюк. – Магілёў : МДУ імя А. А. Куляшова, 2017. – 208 с. : іл.

ISBN 978-985-568-322-4

Манаграфія прысвечана вывучэнню курганнага могільніка Усход – помніка археалогіі канца X – XII ст. На сённяшні дзень гэта найлепш даследаваны курганны могільнік у Магілёўскім Падняпроўі. У ходзе археалагічных раскопак вывучана 49 курганных насыпаў, здзейсненых па абрадзе інгумацыі (на ўзроўні дзённага гарызонту, на падсыпцы, у падкурганных ямах). Уплыў хрысціянскіх эсхаталагічных ідэй адбіўся на пахавальнай абраднасці насельніцтва – поўная адмова ад звычаю крэмацыі, выкарыстанне трун-дамавін, з’яўленне ўжо на першай фазе існавання могільніка пахаванняў у падкурганных ямах, выкарыстанне крыжыкаў і крыжападобных падвесак. Матэрыялы, апублікаваныя ў манаграфіі, у шырокі навуковы ўжытак уводзяцца ў поўным аб’ёме ўпершыню.

Прызначаецца для навукоўцаў, выкладчыкаў, студэнтаў і навучэнцаў, краязнаўцаў, усіх тых, хто цікавіцца археалогіяй і гістарычным мінулым Беларусі.